26.1.07

Será un partido ilegal?

Salamanca: O grupo municipal do PP vota en contra nunha moción para retirarlle a Franco o título de "alcalde honorario a perpetuidade" da cidade charra. (ler en El País)

Poderíase, aplicando a lei de partidos, ilegalizar ó PP (cando menos á agrupación salmantina) por ensalzar, homenaxear e gratificar a ese siniestro persoaxe, responsable de moitas mortes?

Non ten isto pinta (ou facha) de extrema dereita?

22.1.07

Almacéns, de que?


Na imaxe, unha máis das bastantes meteduras de pata dun (des?)goberno municipal.
Estes almacéns amañados con cartos públicos cando non eran de titularidade municipal, agora vense relegados ao abandono e, xa desde hai tempo, dan unha impresión deplorable do noso pobo. Evidentemente a culpa de que o tellado e os arredores estén como están non debe ser só do concello.
Sabedes vos de quen máis é?
Non pode o concello obrigar a limpalos?
Non pode vixiar e mirar por eles tendo en conta, ademais, que investíu na súa recuperación?
Non pode destinar unha partida para, se é necesario, compralos e darlles un bo uso público antes que precisen outra millonada para a súa rehabilitación?

21.1.07

Marketing?

Quen afirma que hai unha crise no comercio tradicional?

Na imaxe do marxe pódese observar a afluencia de clientes a un pequeno supermercado eumés ás 22:00 horas de onte sábado.
Todo debe ser cuestión dunha boa oferta e duns horarios flexibles que atraian clientela. Ademais é unha clientela de futuro xa que a maioría dos alí congregados eran menores.
Que ofertarán para atraer aos clientes?
Cal é o segredo?
Seguiremos investigando para que outros negocios poidan poñer en práctica o exitoso marketing deste.

8.1.07

Para cando o Colexio?


Os nosos fillos e mestres están a padecer as incomodidades dun colexio vello, pequeno, sen algúns servizos indispensables e con moitas carencias; chegando incluso a facer uso de barracóns para os máis pequenos. Estas penurias dábanse por boas se a cambio remataban un novo colexio en distintas fases e que debera estar funcionando, alo menos a primeira fase, para o comezo do vindeiro curso 2007-2008. Creo que o curso empezará ao remate da festa das Peras pero, por desgracia, nas condicións actuais xa que as obras do novo edificio están paralizadas. (Para que logo digan que neste concello non se paralizan obras!)

Cando pensan facelas?

Vai durar moito esta situación de precariedade?
Non pensarán en deixar os barracóns definitivos?
Por certo, falando de barracóns e se alguén os visitou, podería comentarnos que tal están? (Tal e como se está poñendo a vivenda podería ser unha boa alternativa)